Отворена Порта-Ла Страда Македонија е невладина, непрофитабилна организација регистрирана во Септември 2000год, која работи на превенција и психо-социјална поддршка на потенцијални жртви и жртви на трговија со луѓе. Во неа работат 18 жени од повеќе професии како социјални работници, психолози, правници, новинари, економисти и др.

Цели на организацијата:

НВО ,,Отворена Порта,, Ла Страда-Македонија - Женско лоби и акција против насилството и трговијата со жени; има една единствена цел на своето постоење, тоа е да се бори за женските права, да превенира, да ги заштити и поддржи жените жртви на насилство и трговија со луѓе.

Активности:

Активностите на Отворена Порта се насочени кон три главни области: Лобирање; Превенција и Едукација и Социјална поддршка на жртви на трговијата со луѓе, особено жени и деца...

•  Нагласување на проблемот на трговијата со луѓе; насочување на авторитетите и јавното мислење кон разбирање на проблемот од аспект на кршење на човековите права; зајакнување на политичката посветеност кон борбата против трговијата со луѓе.

•  Едуцирање и распространување на превентивни и информативни материјали преку кои младите девојки и другите ризични групи ќе бидат информирани за опасностите и замките од криминалната мрежа на трговијата со жени, како и начините да се заштитат самите себе.

•  СОС-линија за информација и превенција од трговијата со луѓе, што претставува еден од начините да и им се помогне на потенцијалните и жртвите на трговијата со луѓе.

• Организирање тренинзи на локални невладини организации, владини институции (Социјални институции, Основни и Средни училишта, Универзитети и Агенции за вработување).

•    Собирање и размена на информации за трговијата со луѓе.

• Размена на информации и искуства со Ла Страда мрежата и други интернационални организации.

•  Креирање на мрежа од локални невладини организации кои работат на проблемот на трговија со луѓе во Македонија.

Web страната на Отворена Порта е финансиски поддржана од UNICEF   и   Ла Страда