GAATW

Global Alliance Against Traffic in Women (GAATW) е меѓународна мрежа на организации и поединци кои работат на спречување на трговијата со луѓе, заштита на правата на мигрантите и унапредување на човековите права. Основана во 1994 година, мрежата обединува повеќе од 90 организации од различни региони во светот и се залага за пристап кој ги става човековите права, достоинството и потребите на засегнатите лица во центарот на сите политики и активности.

Мрежата работи на промена на политиките и практиките кои ги загрозуваат правата на жените и се спротивставува на криминализацијата на миграцијата и работата.

Отворена Порта/Ла Страда е членка на GAATW и активно придонесува преку меѓународни истражувања, застапување, размена на искуства и развој на политики за заштита на жртвите во областа на миграцијата, трудовата експлоатација, родовата еднаквост и трговијата со луѓе.