Услуги
Советувалиште
Поддршка кога ви е најпотребна
Советувалиштето на Отворена Порта / Ла Страда обезбедува стручна, доверлива и индивидуализирана психосоцијална поддршка за деца, млади, возрасни, парови и семејства кои се соочуваат со различни животни предизвици, семејни и партнерски кризи, насилство, трговија со луѓе или други социјални ризици.
Нашата цел е преку навремено советување, превенција и континуирана поддршка да помогнеме во надминување на тешкотиите, јакнење на личните и семејните капацитети и подобрување на квалитетот на животот.
За кого е наменето Советувалиштето?
Советувалиштето е наменето за:
- деца, млади и возрасни лица изложени на различни социјални ризици;
- жртви и преживеани на родово базирано насилство и трговија со луѓе;
- партнери и брачни другари кои се соочуваат со конфликти и нарушени односи;
- лица во процес на развод или разделба;
- родители и семејства кои имаат потреба од дополнителна поддршка;
- деца и млади во ризик од насилство, злоупотреба, врсничко насилство или ризично однесување;
- поединци и семејства кои имаат потреба од психосоцијална поддршка, стабилизација и зајакнување.
Услуги на советување
Советувалиштето обезбедува три нивоа на поддршка, во зависност од потребите и состојбата на корисникот.
Превентивно советување
Наменето е за поединци, парови и семејства кои сакаат навремено да ги зајакнат своите лични, партнерски и семејни капацитети.
Поддршката може да вклучува:
- •подготовка за брак и семеен живот;
- •подготовка за родителство;
- •планирање на семејство;
- •развој на комуникациски вештини;
- •управување со конфликти;
- •психоедукација за здрави партнерски и семејни односи;
- •рано препознавање на ризични ситуации.
Како функционира поддршката?
Секој корисник добива индивидуализиран пристап според своите потреби, степенот на ризик и животната ситуација.
Процесот вклучува:
Прв контакт и проценка
Разговор со стручно лице за вашите потреби и причината за обраќање.
Индивидуален план
Заедно со корисникот се определуваат целите и видот на поддршка.
Советување и поддршка
Се реализираат индивидуални, партнерски, семејни или групни сесии, зависно од потребите.
Следење на напредокот
Стручниот тим редовно го следи процесот и ја приспособува поддршката кога е потребно.
Завршување или упатување
По постигнување на целите, услугата се завршува или корисникот се упатува кон друга соодветна форма на поддршка.
Нашиот тим
Со корисниците работи стручен интердисциплинарен тим составен од:
Тимот работи преку индивидуални и групни сесии, психоедукација, кризна интервенција, советување, упатување и поддршка во процесите на стабилизација и реинтеграција.
Нашите принципи
Работата на Советувалиштето се темели на:
Доверливост
Информациите што ги споделувате се третираат со почитување на вашата приватност.
Доброволност
Во услугата се вклучувате со ваша согласност и активно учествувате во процесот.
Недискриминација
Поддршката се обезбедува без дискриминација по која било основа.
Индивидуален пристап
Секој корисник добива поддршка според своите потреби и околности.
Почитување на достоинството
Вашите права, избори и лични граници се почитуваат во текот на целиот процес.
Најдобар интерес на детето
При работа со деца, нивната безбедност, благосостојба и право да бидат слушнати се секогаш приоритет.
Како можете да пристапите до услугата?
До Советувалиштето можете да пристапите:
По првичниот контакт, стручно лице прави проценка на потребите и заедно со вас го определува најсоодветниот вид на поддршка.