Теми
Трговија со деца
Децата се особено ранлива категорија. Отворена Порта работи на превенција, идентификација и поддршка на малолетни жртви на трговија со луѓе.
Трговијата со деца претставува особено тежок облик на трговија со луѓе и сериозна повреда на правата на детето. За разлика од возрасните жртви, кај децата за постоење на кривичното дело не е потребно докажување на средствата на присила – доволно е постоење на дејствија насочени кон нивна експлоатација.
Во Република Северна Македонија злоупотребата на деца преку присилна сексуална експлоатација и присилните бракови остануваат доминантни форми на трговија со луѓе. Организацијата Отворена Порта активно работи на превенција, идентификација и поддршка на малолетни жртви.
Правна рамка за заштита на децата
Во 2008 година е воведен член 418-г кој се однесува на трговија со дете. Со измените од 2014 се прошируваат формите на експлоатација, вклучувајќи присилно просење и други облици на искористување.
Република Северна Македонија е страна на Конвенцијата за правата на детето и го прифати Факултативниот протокол за продажба на деца.
- Член 418-г КЗ – Трговија со дете
- Член 418-в КЗ – Организирање група за трговија со деца
- Конвенција на ОН за правата на детето
- Факултативен протокол за продажба на деца
Форми на експлоатација на деца
- •Сексуална експлоатација и принудна проституција
- •Присилни бракови
- •Принудно просење
- •Принуден труд и слугување
- •Деца војници
- •Продажба на органи
Фактори на ризик
Постојат бројни фактори кои ги прават децата ранливи. Имајќи предвид дека старосната граница на жртвите се намалува, Отворена Порта особено се насочува кон децата и младите.
- •Сиромаштија и социјална исклученост
- •Недостаток на образование и информации
- •Семејно насилство и дисфункционални семејства
- •Миграција и напуштање на дом
- •Отсуство на родителски надзор
- •Изложеност на интернет и социјални мрежи без надзор
Активности на Отворена Порта
Отворена Порта спроведува превентивни и едукативни активности насочени кон децата и младите, вклучувајќи:
- Превентивни работилници со деца под ризик во основни и средни училишта и факултети
- Обуки за врснички едукатори
- Дистрибуција на превентивно-едукативен материјал
- Работа со деца повратници од земјите на ЕУ
- Индивидуална поддршка на родители и деца за полесно вклопување во општествената средина
- Навремено вклучување во образовниот процес на детето
- Помош при остварување на здравствена и социјална заштита
Знаци на трговија со деца
Ако забележите некои од следниве знаци кај дете, пријавете го на бесплатната СОС линија: