Кампањата „Јас не се согласувам на присилен брак“ има за цел да ја подигне јавната свест за присилните бракови и да ги информира младите, родителите, професионалците и пошироката јавност за ризиците и последиците од овој облик на експлоатација.

Присилниот брак не е избор!

Длабоко вкоренетите динамики на моќ, контрола и нееднаквост ја прават експлоатацијата на жените и девојките – особено преку присилни бракови – постојана и штетна практика во нашата земја.

Ние се стремиме да ги оспориме и промениме штетните норми и да придонесеме за одржливи и системски промени.

Преку работилници, дискусии, промотивни материјали и регионални активности, кампањата ги охрабрува заедниците да:

• ги препознаваат предупредувачките знаци,

• обезбедуваат поддршка за потенцијални жртви,

• го промовираат правото на слободен избор и заштита на децата.

Целта е заеднички да се создадат ефективни механизми и практики кои обезбедуваат заштита, поддршка и автентичен глас за преживеаните.

Прочитајте ја нашата Меѓународна изјава на Ла Страда објавена на 8 март 2025 година по повод Меѓународниот ден на жената, во која ја истакнуваме итната потреба од координиран и врз човекови права заснован одговор.

Оваа кампања е дел од пошироката работа на Отворена Порта / Ла Страда Македонија за превенција на трговијата со луѓе и заштита на ранливите групи. Се реализира со поддршка на Министерството за Европа и надворешни работи на Франција, во партнерство со Ла Страда Интернешнл.

#ованееслобода #thisisnotfreedom #LaStrada #Отворенапорта #ЕУ #AmbassadeDeFrance