SOS: 0800 11111

ЈАВЕН ПОВИК ЗА АНГАЖИРАЊЕ НА КОНСУЛТАНТ

ЈАВЕН ПОВИК ЗА АНГАЖИРАЊЕ НА НАЦИОНАЛЕН КОНСУЛТАНТ

 

Развивање механизам за повратни информации од преживеани и мониторинг од институциите

 

Во рамки на проектот „Safe Haven: Expanding Shelter Resources for Trafficking Survivors in the Western Balkans“, имплементиран од Open Gate / La Strada Македонија, се објавува јавен повик за ангажирање национален консултант за развој на механизам за повратни информации од преживеани од трговија со луѓе и механизам за институционален мониторинг на примената на минималните стандарди за услуги.

 

Цел на ангажманот

Целта е да се развие национално прилагоден и практичен механизам кој ќе овозможи:

  • редовно и безбедно собирање повратни информации од преживеани и заедницата;
  • зајакнување на институционалниот мониторинг на квалитетот на услугите;
  • поголема транспарентност, отчетност и вклученост на преживеаните во системот на заштита.

 

Опфат на работата

Ангажираниот/ата консултант/ка ќе биде задолжен/а за:

  • анализа на националното законодавство, постоечките стандарди и процедури;
  • консултации со преживеани, граѓански организации и релевантни институции;
  • развој на модел за повратни информации (анкети, интервјуа, дигитални алатки, механизми за поплаки);
  • предлог на механизам за институционален мониторинг со јасни индикатори и алатки;
  • организирање и водење валидациска работилница;
  • финализирање на механизмот со јасен план за имплементација.

 

Времетраење

Ангажманот трае 10 работни дена, во период од 6 недели, согласно договорен план.

 

Потребни квалификации

  • Универзитетска диплома од областа на општествени науки, човекови права или сродна област (магистратура е предност);
  • најмалку 5 години искуство во областа на трговија со луѓе, социјална заштита или мониторинг и евалуација;
  • искуство во развој на алатки за мониторинг или системи за повратни информации;
  • одлични аналитички и пишувачки вештини на македонски и англиски јазик.

 

Потребни документи

  • Писмо за интерес
  • Биографија (CV)
  • Финансиска понуда (во МКД)

 

Рок и начин на аплицирање

Апликациите се доставуваат на: kontakt@lastrada.org.mk

Рок: 04.02.2026 година (среда) до 16:00 часот

 

Целосниот повик (ToR) е достапен тука