Среќни сме што 6 граѓански организации  Здружение на граѓани „Театар БОЕМИ” , Здружение на граѓани „ФЛОРОЗОН Центар за еколошка демократија”, Црвен крст на Република Северна Македонија – Општинска организација „Гази Баба” , „Двојна Надеж”,  ГЕШТАЛТ ЦЕНТАР „Младен Костиќ“ – АСПЕКТИ, Центар за толеранција и доживотно учење  се наши грантисти и од февруари 2023,  ќе  отпочнат со нови  проекти  и иновативни пристапи.

Целта на доделените грантови  и проекти  е да се поддржат локалните организации во Северна Македонија во нивните напори за зголемување на отпорноста на заедницата против насилни екстремизам. Ова вклучува создавање на локални партнерства и спроведување на заеднички акции и превентивни активности и иницијативи.

Отворена порта им честита на добитниците со подготвеност за поддршка и успешни заеднички напори и резултати.

Грантовите се дел од проектот „Активно вклучување и влијание на сите актери во превенција и спротивставување на насилни екстремизам во Северна Македонија”, кој се спроведува од страна на „Отворена порта” и Здружението Хуманост во партнерство со општина Кисела Вода, Гази Баба и Куманово. Проектот е финансиски поддржан од Европската Унија.